കേരള സർക്കാർ സ്ഥാപനമായ നോർക്ക റൂട്ട്സ് സൗദി അറേബ്യയിലെ ആരോഗ്യമന്ത്രാലയത്തിലേക്ക് റിക്രൂട്ട്മെന്റ് നടത്തുന്നു. സ്റ്റാഫ് നേഴ്സ് പോസ്റ്റിലേക്ക് മുസ്ലീം വിഭാഗത്തിൽപ്പെട്ട പുരുഷന്മാർക്ക് മാത്രമാണ് അപേക്ഷിക്കാനാവുക. ഉദ്യോഗാർത്ഥികൾക്ക് താഴെ നൽകിയിരിക്കുന്ന വിശദ വിവരങ്ങൾ വായിച്ചു മനസ്സിലാക്കി അപേക്ഷ സമർപ്പിക്കാം.
Post & Vacancy
നിലവില്‍ BMT, Cardiac, Kidney Transplant, Neuro Critical, Neuro Surgical, Oncology, Operating Room (OR), OR Cardiac, OR Neuro വിഭാഗങ്ങളിലായി നേഴ്സ് ഒഴിവുകളാണ് ഉള്ളത്.
Qualification
നഴ്‌സിങ്ങില്‍ ബി.എസ്‌.സി, പോസ്റ്റ് ബി.എസ്‌.സി ഉണ്ടായിരിക്കണം. കൂടാതെ
സ്പെഷ്യാലിറ്റികളില്‍ കുറഞ്ഞത് മൂന്ന്‌ വര്‍ഷത്തെ പ്രവൃത്തി പരിചയവും ആവശ്യമാണ്‌. സൗദി കമ്മീഷന്‍ ഫോര്‍ ഹെല്‍ത്ത്‌ സ്പെഷ്യലിസ്റ്റുകളില്‍ നിന്നുള്ള പ്രൊഫഷണല്‍ ക്ലാസിഫിക്കേഷന്‍ (മുമാരിസ്‌ - വഴി) യോഗ്യയതയും വേണം.
How to Apply?
താല്പര്യമുള്ള അപേക്ഷകർ വിശദമായ CV യും വിദ്യാഭ്യാസം, പ്രവര്‍ത്തിപരിചയം, പാസ്സ്പോര്‍ട്ട് എന്നിവയുടെ പകര്‍പ്പുകള്‍ സഹിതം www.norkaroots.org, www.nifl.norkaroots.org എന്നീ വെബ്ബ്സൈറ്റുകൾ സന്ദര്‍ശിച്ച് 2024 ഒക്ടോബര്‍ 24ന് വൈകിട്ട് 05 മണിക്കകം അപേക്ഷ സമർപ്പിക്കേണ്ടതാണ്.
ഇതിനായുളള അഭിമുഖം ഒക്ടോബര്‍ 28 ന് ഓൺലൈനായി നടക്കും. അപേക്ഷകര്‍ മുന്‍പ് SAMR പോർട്ടലിൽ രജിസ്റ്റര്‍ ചെയ്തവരാകരുത്. കുറഞ്ഞത് ആറുമാസത്തെ കാലാവധിയുളള സാധുതയുളള പാസ്പോര്‍ട്ടും ഉളളവരാകണം. അഭിമുഖസമയത്ത് പാസ്സ്പോര്‍ട്ട് ഹാജരാക്കേണ്ടതാണ്. കൂടുതല്‍ വിവരങ്ങള്‍ക്ക് നോര്‍ക്ക റൂട്ട്സ് ഗ്ലോബല്‍ കോണ്‍ടാക്ട് സെന്ററിന്റെ ടോള്‍ഫ്രീ നമ്പറുകളില്‍ 1800-425-3939 (ഇന്ത്യയില്‍ നിന്നും) +91 8802012345 (വിദേശത്ത് നിന്നും-മിസ്ഡ് കോള്‍ സൗകര്യം) ബന്ധപ്പെടാവുന്നതാണ്.