തിരുവനന്തപുരം ജില്ലയിൽ സ്ഥിതിചെയ്യുന്ന ശ്രീ ചിത്തിര തിരുനാൾ ഇൻസ്റ്റിറ്റ്യൂട്ട് ഫോർ മെഡിക്കൽ സയൻസസ് ആൻഡ് ടെക്നോളജി ബയോമെഡിക്കൽ വിഭാഗത്തിൽ കൂടുതലറിയാൻ ആഗ്രഹിക്കുന്ന പട്ടികജാതി- പട്ടികവർഗ വിഭാഗങ്ങളിലെ വിദ്യാർഥികളിൽ നിന്ന് അപേക്ഷകൾ ക്ഷണിച്ചു. താല്പര്യമുള്ളവർ താഴെ നൽകിയിട്ടുള്ള അപേക്ഷാ ഫോറം പൂരിപ്പിച്ചശേഷം അപേക്ഷകൾ തപാൽ വഴി അയക്കേണ്ടതാണ്.
എന്താണ് ബയോമെഡിക്കൽ ഗവേഷണം കൊണ്ട് ഉദ്ദേശിക്കുന്നത്?
ബയോമെഡിക്കൽ മെറ്റീരിയലുകളുടെ അല്ലെങ്കിൽ ഉപകരണങ്ങളുടെ ഗവേഷണവും വികസനവും പരിശോധനയും നടത്തുന്ന ശ്രീചിത്ര യിലെ ശാസ്ത്രജ്ഞർ, എൻജിനീയർമാർ, ക്ലിനിക്കുകൾ എന്നിവരുമായി അടുത്ത് ഇടപഴകാൻ വിദ്യാർഥികൾക്ക് അവസരം ലഭിക്കുന്നു.
ഈ പ്രോഗ്രാമുകളെ സയൻസ് ഫോർ ഇക്വിറ്റി എംപവർമെന്റ് ആൻഡ് ഡെവലപ്മെന്റ് (SEED) ഡിവിഷൻ, ശാസ്ത്ര സാങ്കേതിക വകുപ്പ്, ഗവൺമെന്റ് ഒരു പദ്ധതി മോഡലിൽ ലഭ്യമാക്കുന്നു. 2022 ഏപ്രിൽ ആദ്യവാരം മുതൽ ബാച്ചുകൾ ആയി നടത്തും. എന്നിരുന്നാലും കോവിഡ് പകർച്ചവ്യാധി അനുസരിച്ച് തീയതികളിൽ മാറ്റം ഉണ്ടായേക്കാം. സ്കോളർഷിപ്പിന്റെ കാലാവധി, തുക, സീറ്റ് ഒഴിവുകൾ തുടങ്ങിയ കൂടുതൽ വിവരങ്ങൾ താഴെ നൽകുന്നു.
A: ഹയർ സെക്കൻഡറി/ ഇന്റർ മീഡിയറ്റ് തലങ്ങളിലെ വിദ്യാർത്ഥികൾ
🔹 കാലാവധി: 4 ആഴ്ച
🔹 സ്കോളർഷിപ്പ് തുക: 8000 രൂപ
🔹 ആകെ സീറ്റുകൾ: 13 (5 പട്ടികജാതി വിദ്യാർഥികൾക്കും 8 പട്ടികവർഗ്ഗ വിദ്യാർഥികൾക്കും)
B: 2nd / 3rd ഇയർ ബിഎസ്‌സി (ലൈഫ് സയൻസ്) അല്ലെങ്കിൽ 2nd / 3rd / 4th വർഷ ബിടെക്/ബിഇ അല്ലെങ്കിൽ തത്തുല്യ അല്ലെങ്കിൽ മുകളിൽ പറഞ്ഞ കോഴ്‌സുകൾ പൂർത്തിയാക്കിയ വിദ്യാർത്ഥികൾ
🔹 കാലാവധി: 1-2 മാസം
🔹 സ്കോളർഷിപ്പ് തുക: 10,000
🔹 ആകെ സീറ്റുകൾ: 13 (5 പട്ടികജാതി വിദ്യാർഥികൾക്കും 8 പട്ടികവർഗ്ഗ വിദ്യാർഥികൾക്കും)
C: എംഎസ്‌സി/എംടെക്കിന്റെ 1/2 വർഷ വിദ്യാർത്ഥികൾ അല്ലെങ്കിൽ തത്തുല്യം അല്ലെങ്കിൽ മുകളിൽ പറഞ്ഞ കോഴ്‌സുകൾ പൂർത്തിയാക്കിയവർ.
🔹 കാലാവധി: 1-2 മാസം
🔹 സ്കോളർഷിപ്പ് തുക: 15,000
🔹 ആകെ സീറ്റുകൾ: 11 (5 പട്ടികജാതി വിദ്യാർഥികൾക്കും 6 പട്ടികവർഗ്ഗ വിദ്യാർഥികൾക്കും)
അപേക്ഷിക്കേണ്ട വിധം?
› താല്പര്യമുള്ള ഉദ്യോഗാർഥികൾ 2022 മാർച്ച് 31നകം തപാൽ വഴി അപേക്ഷകൾ സമർപ്പിക്കേണ്ടതാണ്
› താഴെ നൽകിയിട്ടുള്ള അപേക്ഷാഫോറം ഡൗൺലോഡ് ചെയ്ത് പ്രിന്റ് ഔട്ട് എടുത്ത് പൂരിപ്പിക്കുക.
› ശേഷം വിദ്യാഭ്യാസ യോഗ്യത, സമുദായം/ ജാതി തുടങ്ങിയവ തെളിയിക്കുന്നതിനുള്ള സർട്ടിഫിക്കറ്റുകളുടെ പകർപ്പുകൾ സഹിതം താഴെ നൽകിയിട്ടുള്ള വിലാസത്തിൽ അയക്കുക.
The Registrar, Division of Academic Affairs Sree Chitra Tirunal Institute for Medical Sciences and Technology, Medical College P.O, Thiruvananthapuram, Kerala - 695 011
› ഇമെയിൽ വിലാസം reg@sctimst.ac.in അല്ലെങ്കിൽ regoffice@sctimst.ac.in
› അപൂർണമായ അപേക്ഷകൾ നിരുപാധികം നിരസിക്കപ്പെടുന്നതാണ്
› പരിശീലന പരിപാടി വിജയകരമായി പൂർത്തിയാക്കിയാൽ സർട്ടിഫിക്കറ്റുകൾ നൽകും
› സ്കോളർഷിപ്പ് റിലീസ് ചെയ്യുന്നതിന് കുറഞ്ഞത് 80% ഹാജർ ആവശ്യമാണ്